The Hasbara Forum was held in Jerusalem organized by Israeli House. იერუსალიმში „ისრაელის სახლის“ მიერ ორგანიზებული ჰასბარას ფორუმი ჩატარდა

The Hasbara Forum was held in Jerusalem organized by Israeli House. იერუსალიმში „ისრაელის სახლის“ მიერ ორგანიზებული ჰასბარას ფორუმი ჩატარდა
09 July 2017

The Knesset deputies took part in the forum, including two vice speakers and the leader of the ruling coalition, an adviser to the president of the country, representatives of political parties, business and academia.

იერუსალიმში, მენახემ ბეგინის ცენტრში გაიმართა „ისრაელის სახლის“ მიერ ორგანიზებული, საერთაშორისო ასპარეზზე ისრაელის წარმოდგენის - ჰასბარას ფორუმი, რომელსაც ქნესეთის წევრები, მათ შორის ორი ვიცე სპიკერი და მმართველი კოალიციის ლიდერი, ქვეყნის პრეზიდენტის მრჩეველი, პოლიტიკური პარტიების, ბიზნესისა და აკადემიური წრის წარმომადგენლები დაესწრნენ.

დამსწრე საზოგადოებას სიტყვით „ისრაელის სახლის“ დამფუძნებელმა და ხელმძღვანელმა იციკ მოშემ მიმართა. მან საზღვარგარეთ რეალური ისრაელის წარმოდგენის მნიშვნელობაზე ისაუბრა და ხაზი გაუსვა ქვეყნის შესახებ ახსნა-განმარტებების აუცილებლობას, რომელიც მიმართული იქნება ანტიისარელური საინფორმაციო ომის წინააღმდეგ.

„მას შემდეგ, რაც ისრაელში დავბრუნდით, ებრაელებს აქვთ ორი არჩევანი. პირველი: იცხოვრონ ისრაელში ომისა და ტერორიზმის საფრთხის ქვეშ და დაიცვან ქვეყანა; მეორე - იცხოვრონ საზღვარგარეთ და ყველაფერი გააკეთონ საკუთარი ქვეყნსთვის“, _ განაცხადა იციკ მოშემ.

ფორუმის მონაწილეებს სიტყვით მიმართეს, აგრეთვე, მმართველი და ოპოზიციური პარტიის ლიდერებმა. როგორც ქნესეთში მმართველი კოალიციის ხელმძღვანელმა დავიდ ბიტანმა აღნიშნა, „ისრაელის სახლი“ და მის მიერ განხორციელებული ჰასბარა ისრაელისთვის იმდენად მნიშვნელოვანია, რომ, „რომელ პარტიასაც არ უნდა ვეკუთვნოდეთ, მხარი უნდა დავუჭიროთ მას“.

ქნესეთის ვიცე-სპიკერის, ოპოზიციის ერთ-ერთი ლიდერის ხილიკ ბარის თქმით, მსოფლიოს ხშირად არასწორი ინფორმაცია აქვს რეალური ისრაელის შესახებ, ამიტომ ნამდვილი ისრაელის წარმოდგენა - ჰასბარა უმნიშვნელოვანესია.

„ჩვენ დავამყარეთ მშვიდობა მტრებთან, მაგრამ ბევრს არ სურს, რომ ებრაელებმა ისრაელში იცხოვრონ. ჩვენ სხვა სამშობლო არ გაგვაჩნია. „ისრაელის სახლი“ არის საუკეთესო მაგალითი იმისა, თუ როგორ შეუძლიათ გარეთ მცხოვრებ ადამიანებს იღვაწონ ისრაელისთვის, უკეთ გააცნონ მსოფლიოს ისრაელის რეალობა, დააკავშირონ პილიტიკოსები ერთმანეთს“, - განაცხადა ხილიკ ბარმა და დასძინა: „იციკ მოშე ამ კუთხით ფასდაუდებელ საქმეს აკეთებს ისრაელ-საქართველოს ურთიერთობებისთვის“.
როგორც ფორუმზე აღინიშნა, „ისრაელის სახლის“ პროექტი ისრაელის სახელმწიფო პოლიტიკის ნაწილია და უნდა დაინერგოს სხვა ქვეყნებშიც, რადგან მსოფლიოში ხდება ისრაელის არასწორი წარმოდგენა.

ფორუმის მიმდინარეობისას ნაჩვენები იქნა „ისრაელის სახლის“ მიერ მომზადებული დოკუმენტური ფილმები, რომლებიც იციკ მოშეს მონაწილეობით, საბჭოთა კავშირში ისრაელის პირველი წარმომადგენლობების გახსნასა და დიდი ალიის დაწყებას, ისრაელის ისტორიულ ტერიტორიებზე - იუდეასა და სამარიაში ებრაული ახალშენების გაჩენას ეძღვნებოდა.

ღონისძიებაზე მოწონება დაიმსახურა, აგრეთვე, „ისრაელის სახლის“ დოკუმენტურმა ფილმმა, რომელიც ევროსაბჭოს ეგიდითა და ისრაელის სახლის კურატორობით, საქართველოში ებრაული კულტურული მემკვიდრეობის მარშრუტის ამოქმედებას შეეხება. ის დამსწრე საზოგადოებისთვის სხვა საქართველოს აღმოჩენის ტოლფასი იყო.

ჰასბარას ფორუმს სპეციალური სტუმრის სტატუსით ესწრებოდა ცნობილი პიანისტი, იუნესკოს მშვიდობის არტისტი ელისო ბოლქვაძე, რომელიც დამსწრე საზოგადოების წინაშე რამდენიმე კლასიკური ნაწარმოებით წარდგა. მანვე შეასრულა ცნობილი ებრაული კომპოზიციის „შალომ ალეიხემის“ საფორტეპიანო ვერსია, რასაც ოვაციები მოჰყვა.

ფორუმს ესწრებოდა ისრაელისა და ქართული მედიასაშუალებები. როგორც ღონისძიების შემდეგ მედიასთან საუბრისას „ისრაელის სახლის“ ხელმძღვანელმა იციკ მოშემ აღნიშნა, ღონისძიებაში მონაწილეობდნენ ერთმანეთისადმი ოპოზიციურად განწყობილი პოლიტიკური ძალები, რაც ისრაელში იშვიათი მოვლენაა. „აქ იყვნენ მემარჯვენეებიც და მემარცხენეებიც. ერთად მოვიდნენ, ვინაიდან ხედავენ, რომ ჰასბარას საკითხი ისრაელისთვის არის ყველაზე მნიშვნელოვანი. დღეს ისრაელის მთავრობას ვაჩვენეთ, რომ შეიძლება მუშაობა სხვა დონეზე და შეიძლება წარმატების მიღწევაც“, - განაცხადა იციკ მოშემ.

შეგახსენებთ, რომ „ისრაელის სახლის“ მიერ ორგანიზებული ჰასბარას პირველი საერთაშორისო ფორუმი შარშან დეკემბერში თბილისში ჩატარდა. მას საქართველოს ხელისუფლების წარმომადგენლებთან ერთად, ისრაელის საგარეო სამეთა მინისტრის მოადგილე ციპი ხოტოველი, ქნესეთის ვიცე-სპიკერი ხილიკ ბარი და მმართველი კოალიციის ლიდერი დავიდ ბიტანი ესწრებოდნენ.

1

2

3

MEDIANEWS